Bahot Khush Hoge tum.. by Shirish Kembhavi

Shirish has written this nice piece and has kidly agreed to place it on Blog.

Please read..

आज खुश तो बहोत होगे तुम! ( दिवार मधील अमिताभच्या तोंडचा देवळातला फेमस डायलॉग. समोर साक्षात "भगवान महेश"! )
आमचाही आवेश तोच फक्त आशय वेगळा आणि भाषा आपली माय मराठी.
आज खुश तो बहुत होगे तुम ! अखेर तो "डीप्या" एकदाचा वरच्या वर्गात ढकलला गेला आणि वर्ग शिक्षकाचा जीव भांड्यात पडला. गेल्या वर्षभर त्याने फारच छळल होता. खरतर असा वांड विद्यार्थी एखाद्या वर्गाशिक्ष्काच्या नशिबी येणे हे वाइटच. मुळात हा "डीप्या" इथवर पोहोचलास कसा हेच खरं कोड होतं. बहुदा आठवी पर्यंत सगळेच पास असा नियम झाल्यामुळे हे घडले असावे. तसे पहिल्या सत्रात हा "डीप्या" फारसा कोणाच्या नजरेत आला नाही किंबहुना तशी सोयच केली होती पण दुसऱ्या सत्रात कोणीतरी खिडक्यांना पारदर्शक काचा लावल्या आणि हे महाशय एकदम झोतात आले. त्यात external परीक्षकांनी तर त्याला सगळ्या विषयात नापासच केलं. गणित, भूगोल, शास्त्रच काय सामान्य ज्ञानातही हे बालक त्यांच्या प्रश्नांना उत्तरं देऊ शकत नव्हतं.
खरं तर वर्ग शिक्षकांचा परीक्षे वर मुळी विश्वासच नव्हतं. परीक्षा घेणे म्हणजे वेळ वाया घालवणे असे त्यांचे स्पष्ट मत होते त्यातून परत पुढच्या वर्गात गेल्यावर तिथले शिक्षक परीक्षा घेणारच असताना आपण का परीक्षा घ्यायची हा त्यांचा साधा सवाल.
वर्ग शिक्षकांची फारच पंचाइत झालेली. एक तर हे चिरंजीव एका नामांकित असामीचे अपत्य ( planned का चुकून झालेलं कोणास ठावूक) .
त्यातून त्याला पुढे ढकलण्यासाठी येत असलेले दडपण. तरी बरं इथे फक्त इंटर्नल मार्किंग वर निकाल होत असल्या मुळे काहीतरी करता येणा शक्य होतं. इतर शिक्षकांनी पण त्याला चांगला हातभार लावला. बऱ्याच शिक्षकांनी पेपर न तपासताच त्याला वरच्या वर्गात ढकलण्याचे मुळी ठरवलेच होते नव्हे तसे त्यांना त्यांच्या धन्याचे आदेशच होते ( धन्याचे + आदेश = धनादेश ?) . काही शिक्षकांनी तर त्याला सर्व विषयात नापास केलं तरी त्याला वरच्या वर्गात ढकलण्याची शिफारस केली.( नाही तरी हा ATKT चाच जमाना आहे ) .
काहींनी तर कमालच केली ते म्हणाले की ह्या वर्षाचाही अभ्यास पुढच्या वर्षी च्या वर्ग शिक्षकांनी करून घ्यावा पण "डीप्याला" पुढच्या वर्गात धाडावा !काही विरोधी मतं असलेल्या शिक्षकांनी दिलेले गुण मोजायचेच नाहीत असेही वर्गशिक्षकांनी ठरवून टाकले.
अशा पद्धतीने हा "डीप्या" एकदाचा वरच्या वर्गात ढकलला गेला आणि वर्ग शिक्षकांचा जीव भांड्यात पडला . आता तो जाणो आणि पुढच्या वर्गाचे शिक्षक. काय घालायचा तो गोंधळ घालू दे. आता "डीप्या" पुढच्या वर्गात जाईल तिथले वर्ग शिक्षक किती कडक असतील कोणास ठावूक. ते पण ह्याला अशाच प्रकारे पास करून पुढच्या वर्गात ढकळणार का काय हे ही कळेलच.
पण मुळात हा असा अर्ध शिक्षित "डीप्या" जेव्हा कामाला लागेल तेव्हा तो काय राडा करेल ह्याचा विचार कोण करणार? उद्या हे व्रात्य कार्टजेव्हा समाजात धूडघूस घालेल तेव्हा त्याला कुठल्या शिक्षकांनी कसा काय पास केलं हे तपासलं तर काय होईल ? पण त्याचा विचार कोण करणार? आणि कशाला?
तेव्हा "आज खुश तो बहुत होगे तुम !" तुमची जबाबदारी संपली !
आता एकच इच्छा आहे निदान पुढच्या वर्गात तरी ह्या "डीप्या" ला कडक वर्गशिक्षक भेटावेत जे त्याच्या दोन कानाखाली आवाज काढून त्याच्या कडून नीट अभ्यास करून घेतील त्याची खरीखुरी परीक्षा घेतील आणि मगच त्याला पास करतील . अहो वर्गशिक्षका कडून हीच तर अपेक्षा असते . शेवटी वर्गशिक्षक आणि पोस्टमन ह्यांच्यात काहीतरी फरक असायला हवा की नको !

शिरीष केंभावी